Cors sus es rapinaires dera Val d’Aran

Vielha, 25 de setembre de 2018.- Eth Conselh Generau d’Aran a trauès deth departament d’Agricultura, Ramaderia e Miei Naturau organize eth pròplèu dissabte 29 e dimenge 30 de seteme un cors sus es rapinaires dera Val d’Aran.

Eth cors debanarà en es installacions d’ETEVA (Escòla Tecnics Esportius dera Val d’Aran) ena Aubèrja Era Garona de Salardú.

Eth cors començarà eth dissabte dia 29 tas 10:00 ores damb era recepcion e presentacion deth cors e era explicacion des caracteristiques generaus des rapinaires peth maitin, e era identificacion des rapinaires mès representatius dera Val d’Aran, pera tarde. Era jornada deth dissabte tanben includís ua gessuda ath camp damb dinar de picnic.

Eth dimenge dia 30 de seteme era activitat deth cors consistirà en ua gessuda ath camp a compdar des 09:30 enquias 13:00 ores

Eth des rapinaires ei un grop d’audèths fòrça admirat, non sonque pes aficionadi ara ornitologia, se non per toti es naturalistes. Fòrça soent, totun, sorgissen diuèrsi dobtes ara ora d’identificar-les en camp. Er objectiu d’aguest cors ei, non sonque facilitar es estruments entara corrècta identificacion d’ua espècia, se non tanben ena mesura deth que sigue possible, era edat e eth sexatge des 27 espècies que trapam en Catalonha de manèra regulara.

Es persones interessades en arrecéber informacion o participar en cors se pòden inscríuer en tot trucar ath telf. 973 64 18 01 o en tot enviar un correu a g.vilo@aran.org.

 

Comments are closed.