Definida era naua rota deth Camin de Sant Jaume “Aran-Pirinèus” que junh Saint Bertrand de Commenges enquia Berbegal (Osca)

Eth traçat des de Saint Bertrand de Commenges enquia Berbegal (Òsca) se junherà damb eth tram dejà finalizat e comercializat ena zòna de Somontano e qu’enlace damb diuèrses variantes dera rota, entre eres era catalana.

Era senhalizacion serà damb era vieira auriòla sus hons blu e era flècha auriòla ena part superiora deth nòm “Aran- Pirinèus” e ena part inferiora eth nòm dera zòna per a on transcor eth tram.

 

 

Eth Conselh Generau d’Aran a acuelhut ua naua amassada de trabalh entà desvolopar era naua rota deth Camin de Sant Jaume que junh Saint Bertrand de Comminges e Berbegal en Òsca, e qu’a ua part importanta deth sòn recorregut pera Val d’Aran.

 

 

Era reünion a estat presidida peth conselhèr de Territòri d’Aran, Jose A. Boya, e a compdat damb era preséncia deth president deth Conselh Comarcau dera Nauta Ribagòrça, Josep Lluís Farrero, era presidenta dera Comarca dera Ribagorça, Lourdes Pena, eth president dera Communanté de Comunnunes des Pyrénées Haut-Garonnaises, Alain Castel, eth vicepresident du Pays Comminges Pyrénées, Joël Gros, era deputada de Desvolopament, Territòri e Medi Naturau, Maria Isabel de Pablo, eth baile d’Isábena, Joaquin Montanuy, era bailessa de Montanuy, Esther Cerezo, era bailessa de Vilaller, Mª José Erta, eth baile de Berbegal, José Carlos Boned, era tecnic de Patrimòni dera Comarca Somontano de Barbastro, Mª Nieves Juste, eth tecnic deth Conselh Generau d’Aran, Jordi Gavaldà e es agents tecnics dera Communanté de Comunnunes des Pyrénées Haut-Garonnaises, Assumpta Guixot e Philippe Dulon.

 

 

Aguest nau producte d’impacte toristic e economic qu’englobarà diuèrsi territòris: França, era Val d’Aran, Nauta Ribagòrça e era Ribagorza aragonesa se coneisherà coma: “Aran- Pirenèus”. Ena amassada s’a acordat utilizar era senhalizacion dera vieira auriòla sus hons blu e era flècha auriòla ena part superiora deth nòm “Aran- Pirenèus” e ena part inferiora eth nòm dera zòna per a on transcor eth tram. Era senhalizacion se harà a trauès des servicis tecnics deth Conselh Generau d’Aran.

Ena amassa tanben s’a definit eth traçat des de Saint Bertrand de Commenges enquia Berbegal (Òsca) a on se junherà damb eth tram dejà finalizat e comercializat ena zòna de Somontano e qu’enlace damb diuèrses variantes dera rota, entre eres era catalana.

Tanben s’a contemplat era idèa de crear ua web toristica entà potenciar era rota.

Era pròplèu amassada de trabalh serà en mes de seteme.

 

 

 

 

 

Vielha, 30 de mai de 2018

 

Conselh Generau d’Aran: Núria Sanjuan

Comments are closed.