Segontes era naua normativa dera Marxa Beret, es inscripcions sonque se pòden hèr on-line

Eth termini entà realizar es inscripcions finalizarà eth 30 de gèr de 2015

Era 36au edicion dera Marxa Beret dejà se trape en foncionament. A compdar d’aguest ostieu, toti es interessadi en participar en ua naua edicion d’aguesta pròva d’esquí de hons, pòden adreçar-se ara sua plana web www.marxaberet.com entà aumplir era sollicitud d’inscripcion.

Enguan, damb era naua reglamentacion dera Marxa Beret, era inscripcion sonque se poderà realizar a trauès dera plana web. Per tant, non s’admeteràn es inscripcions en persona coma se hège enquiara.

Era 36au edicion dera Marxa Beret aurà lòc pendent era dimenjada deth 30 de gèr ar 1 de hereuèr de 2015 en Pla de Beret. Eth termini d’inscripcion finalizarà eth pròplèu 30 de gèr.

En paraules deth director dera Marxa Beret, Luis Carlos Medina, “enguan demoram ua anauta participacion ena 36au Marxa Beret coma cada an, entà contunhar en tot èster era melhora competicion d’esquí de hons der Estat Espanhòu, e ua des mès importantes d’Euròpa, damb dera nòsta participacion en circuit Euroloppet”.