Vielha, 9 de noveme de 2017.- Era Associacion de Donants de Sang dera Val d’Aran premanís entath pròplèu dissabte 11 de noveme era Maraton de donacion de sang en Palai d’Espòrts de Vielha.
A diari eth Banc de Sang distribuís uns 1.000 productes sanguinis (plasma fresc, concentrats d’hematies e concentrats de plaquetes) as espitaus de Catalunya, sustot entà casi d’anèmia aguda o cronica, intervencions quirurgiques, tractaments oncologics e accidents grèus. Era sang e es sòns components an ua vida limitada e, per tant, entà assegurar-ne un estòc, cau qu’era donacion se convertisque en un abit. Ena Val d’Aran, gràcies ara collaboracion des sòns poblants, s’està tornant un costum tà fòrça gent dar sang enes dies de donacion.
En aguest moment es resèrves son estables, mès un shinhau justes. Cau
mantier es donacions e a poder èster augmentar-les tà arribar a hèr front as besonhs deth dia a dia des espitaus e tanben a posibles situacions d’emergéncia. Era situacion aurie d’èster de resèrva entà 10 dies de toti es tipe de sang.
Eth heired NON ei un bon amic dera sang. Quan plò e hè mau temps, es donacions quèn lèu enquiara meitat per ua major tendéncia a demorar en casa.
Qu’açò non passe en Aran!!
Rebrembam qu’era donacion non compòrte cap risc entath donant, e que sonque
demane uns minuts deth nòste temps. Era donacion se harà en Palai d’Espòrts de Vielha, des 11 deth maitin enquias 10 deth sèr ininterrumpudament.
PROGRAMA D’ACTIVITATS
11.00h – INAUGURACION (Alugada deth marcador)
12.00h – GINKANA Petits e joeni “PIRAMIDE DES ALIMENTS”
(Organize “Verd e blu – Val d’Aran”)
13.00h – APERITIU “PINCHOS DERA SANG”
17.00h – TALHÈR DE PINTURA “MANDALES” (ARAN-THAL)
18.00h – TALHÈR: “RAMPLIM UA PIZZA” (ARAN-THAL)
18.30h – CHICOLATADA
19.00h – “10 CAMBIS ENTÀ ARTÉNHER UN ESTIL DE VIDA SALUDABLE”
Charrada a cargue de Maria Riart Sala, dietista-nutricionista.
22.00h – SORTEG DERA PANÈRA “MARCA DE GARANTIA” TÀS DONANTS
22.00h – FINAU DERA MARATON
PENDENT TOT ETH DIA:
“UA DONACION, UA GOTA DE SANG”: Ajuda a crear ua gota geganta
OBSEQUI ENTÀS DONANTS
FÒTOS DAMB ES SUPERERÒIS DERA SANG