-
Eth Conselh Generau d’Aran balharà supòrt entara demana d’aguestes ajudes, que se pòden demanar enquiath 20 de gèr e des que se poderàn beneficiar totes es empreses e ajuntaments dera Val d’Aran interessadi en impulsar un projècte empresariau generador d’activitat econòmica en territòri
Dejà ei dubèrta era convocatòria entàs ajudes europèes “Leader”, des que se poderàn beneficiar totes es empreses e ajuntaments dera Val d’Aran interessadi en impulsar un projècte empresariau generador d’activitat econòmica en territòri.
Eth Departament d’Acció Climàtica, Alimentació i Agenda Rural (DACC) dera Generalitat de Catalonha seleccionèc 11 Grops d’Accion Locau (GAL) Leader, entà aplicar eth desvolopament locau participatiu Leader en marc deth Plan Estrategic dera PAC 2023-2027.
Un des objectius principaus des GAL ei era dinamizacion territoriau e era divulgacion des sòns projèctes mès estrategics e bones practiques, amassa damb era gestion des ajudes que convòque annauments eth DARP entà fomentar era realizacion d’inversions que genèren activitat economica enes zònes ruraus e fomenten era creacion e/o mantenença de lòcs de trabalh, principauments de hemnes e de joeni, en accions de melhora des procèssi de transformacion e comercializacion des productes agraris, creacion e desvolopament de microempreses, foment d’activitats toristiques, e conservacion e melhora der auviatge rurau e naturau.
Eth termini de presentacion des ajudes finalizarà eth 20 de gèr de 2024. Es persones interessades en informar-se sus aguestes subvencions auràn de telefonar ath Conselh Generau d’Aran (973641801) e e mercar era extension 6.
Ath delà, eth pròplèu 10 de gèr tas 13:00 ores s’amiarà a tèrme ua jornada informativa sus aguesti ajuts en Tremp, que se poderà seguir tanben online. Ei de besonh inscriuer-se prèviament en aguest ligam: