Er aranés, Álex Puente Tasias, membre dera equipa dera Reau Federacion Espanhòla d’Espòrts d’Iuèrn (RFEDI) a obtengut es sòns prumèrs pòdiums dera sason ena carrèra FIS d’esquí aupin de Gressoney (Itàlia) ena modalitat d’eslalom.

Ager, dijaus 26 de gèr, Álex se hec damb era tresau posicion e aué diuendres, a pujat ara dusau plaça deth pòdium.

Eth Conselh Generau d’Aran e Torisme Val d’Aran signèren un convèni de patrocini damb er esquiador professionau aranés, Álex Puente Tasias, entà promòir era destinacion toristica esportiua Val d’Aran peth mon, representada ena imatge e enes valors der esportista, e dera equipa que hè part.

Vielha, 27 de gèr de 2017

Conselh Generau d’Aran: Núria Sanjuan

Hònt e foto: RFEDI