Vielha, 27 de hereuèr de 2019.- Er Ajuntament de Canejan a mostrat era sua conformitat ara prepausa d’ampliacion deth Refugi dera Honeria. A compdar d’aguest moment s’iniciaran es tramits deth procès administratiu entà licitar es òbres que compden damb ua inversion de 400.000€ des quaus 200.000€ son finançadi peth Departament d’Enterpresa e Coneishement dera Generalitat de Catalonha e 200.000€ peth finançament pròpri deth Conselh Generau d’Aran.

Era modernizacion d’aguest refugi vò èster un element dinamizador dera ribera deth Toran e un element clau entà dar a coneisher eth valuos entorn naturau d’aguest parçan e dera trauèsa entas lacs de Liat e Colhada de Varradòs.

Eth projècte damb eth que s’a trabalhat ei eth que se mòstre enes dues perspectives. Se mantenen es dimensions exteriors deth refugi e se genere un element centrau en que s’ubicarà er espaci de dormitòri.

Aguest nau refugi compdarà damb 25 places de pernoctacion, servicis sanitaris, naua codina e minjador, e tanben un espaci de taquilhes.

Coma aclariment era fotografia qu’apareishec ena premsa hè uns mesi correspon a ues idèes qu’auien prepausat en sòn moment es redactors deth projècte mès qu’en cap cas sigueren tengudes en compde. Era sua publicacion ena premsa siguec ua filtracion d’ua prepausa desestimada.