Vielha, 19 de hereuèr de 2019.- Eth darrèr dimenge er esquiaire aranés Alex Puente acabèc ena 41au posicion era sua prumèra participacion en un mondiau d’esquí aupin.

Alex Puente acusèc era manca de ritme a causa d’ua petita lesion qu’ac a agut practicaments arturat pendent eth darrèr mes, e non podec arribar ath top 30 dempús dera prumèra manja. Ena dusau manja gessec eth 38 e queiguec ena prumèra part deth traçat, mès se lheuèc entà acabar eth sòn prumèr mondiau ena posicion 41.

Dempús deth Campionat deth Mon d’Esquí Aupin 2019 Alex Puente torne en casa entà acabar de préner era forma fisica e poder afrontar era fin de sason damb gatges. Encara demore era sua participacion enes copes d’Euròpa d’Alemanha e diuèrses pròves FIS pes Alps.

Alex Puente compde aguesta sason damb eth patrocini de Torisme Val d’Aran.