• Era sua fraia e companha de club, Lydia Iglesias Barés, membre dera equipa RFEDI, obtenguec era 6au posicion ena categoria júnior, en tot baishar dues menutes era sua mèrca per çò que tanh ar an passat.

Foto: FCEH

Eth passat dia 2 d’octobre, era joena hondista aranesa Maria Iglesias (ANEC) membre deth programa de tecnificacion d’esquí de hons dera Federacion Catalana d’Espòrts d’Iuèrn (FCEH) se proclamèc campiona ena categoria cadet ena 38au edicion dera corsa rollers Grand Prix Sportful (Itàlia), ua pujada d’un pòrt de 9,5 Km.

Es fraies hondistes araneses, Lydia Iglesias Barés e Maria Iglesias Barés. Foto: ANEC

Pera sua part, era sua fraia e companha de club, Lydia Iglesias, membre dera equipa RFEDI, obtenguec era 6au posicion ena categoria júnior, en tot baishar dues menutes era sua mèrca per çò tanh ar an passat.

Era pròva se disputèc en rollerski damb era tecnica skating, damb un naut nivèu, per’mor que prenien part corredors d’esquí de hons de tota Euròpa e abituaus ena Copa deth Mon e Copa d’Euròpa.

Lydia Iglesias, dempús dera corsa marchèc cap ara estacion d’esquí de Ramsau (Àustria) entà entrenar ena nhèu es pròplèus dies, en tot seguir eth calendari de concentracions de pretemporada.

Vielha, 10 d’octobre de 2016

Conselh Generau d’Aran: Núria Sanjuan

Hònt: FCEH