Era Associacion de Discapacitats dera Val d’Aran (ADDA) participarà enes Jòcs Special Olympics Barcelona- Calella 2014

Es Jòcs Special Olympics son er eveniment esportiu mès important entàs persones damb discapacitat intelectuau

Era delegacion aranesa ei representada per 8 aranesi dera Associacion de Discapacitats dera Val d’Aran (ADDA)

ADDA

Un totau de 8 aranesi dera Associacion de Discapacitats dera Val d’Aran (ADDA) participaràn enes Jòcs Special Olympics Barcelona- Calella que se despovoloparàn deth 30 d’octobre ath 2 de noveme de 2014 damb 12 modalitats esportiues.

Es Jòcs Special Olympics servissen d’estimulacion ath trabalh jornalièr, eth prèmi as desparières competicions locaus e territoriaus e ua excellenta oportunitat entà demostrar ara societat es capacitats e es valors des atletas damb discapacitacion .

Es Jòcs son competicion mès tanben convivéncia, activitats sociaus, léser e sustot reconeishença peth papèr qu’es persones damb discapacitacion intellectuau jòguen ena nòsta societat.

Es Jòcs Special Olympics en Catalonha, se celèbren des der an 1988 quan aueren lòc en Lhèida. Des d’alavetz d’autes ciutats an acuelhut aguest eveniment damb clara vocacion internacionau: Igualada (1990), Barcelona (1992), Granollers (1994), Reus (1996), Figueres (2000), Badalona (2004), Lloret de Mar (2006 ) e Barcelona- Vilanova e era Geltrú (2012).

Mès de 1.600 atletas damb discapacitacion intellectuau procedenti de Catalonha, dera rèsta d’Espanha e de desparièrs païsi estrangèrs preneràn part ena cita esportiua mès importanta.

“Damb aguest tipe d’eveniment esportiu se fomente era illusion e es sòmis des persones discapacitades e, ath viatge servís entà trèir es barrières que molti viatges se creen ath torn d’eri” a manifestat Eduardo Valdecantos, conselhèr de Salut e Benéster d’Aran qu’a hijut “demoram que gaudisquen d’aguesta experiéncia”.

Comments are closed.