• Era aranesa, Lydia Iglesias, der ANEC, baisha de darrèra ora

• Era Copa d’Euròpa OPA aurà lòc es dies 20, 21 e 22 de hereuèr

Es fondistes araneses Lydia Iglesias (ANEC) e Marta Céster (CAEI)

Era Real Federación Española Deportes de Invierno (RFEDI) a seleccionat a ueit fondistes entà representar Espanha ena competicion europèa que se celebrarà en Soïssa es dies 20, 21 e 22 de hereuèr.

Era aranesa deth CAEI, Marta Céster, participarà amassa damb auti sèt corredors. Era junior aranesa der ANEC, Lydia Iglesias, ei baisha de darrèra ora.

Era seleccion des atletes se decidic a compdar des quate pròves de Copa d’Espanha que s’an anat celebrant dempús d’inici de sason enquia hereuèr, e les acompanhen es tecnics Joan Vilella e Eduard Pubill.

Era Copa d’Euròpa OPA ei un mini tour de tres dies e toti es participants an de córrer es tres pròves previstes.

Diuendres 20        Categoria femenina         1,2 km          Sprint Estil liure
Categoria masculina       1,4 km           Sprint Estil liure

Dissabte                   Categoria femenina          10 km           Estil classic individual
Categoria masculina         15 km           Estil classic individual

Dimenge                 Categoria femenina           10 km            Persecucion Estil liure
Categoria masculina           15 km           Persecucion Estil liure