Era Oficina de Joenessa deth Conselh Generau d’Aran place ueit punts d’informacion entà preveir eth SIDA

dia sida

Damb motiu deth dia mondiau dera luta contra eth Sida, era Oficina de Joenessa dera Val d’Aran a plaçat ueit punts d’informacion en tota era Val d’Aran ara fin de previer aguesta malautia. Cada punt acuelh materiau informatiu. Es punts d’informacion s’an distribusit ath long deth territòri aranés: en punt deth Haro de Les; ena zòna esportiva de Bossòst; en Ajuntament d’Es Bòrdes; en Espitau Val d’Aran, en Institut d’Aran, ena Oficina de Joenessa, ena sedença deth Conselh Generau d’Aran e ena Aubèrja Garona de Salardú.

Damb eth plaçament d’aguesti punts, eth Govèrn aranés vò informar as gojats e gojates sus era prevencion deth VIH, es malauties de transmission sexuau e es embarassi non desiradi ath delà de dar supòrt as accions des persones, collectius, familhars o comunautats afectadi pera malautia e era sua estigmatizacion.

Comments are closed.