• Es 200 participants deth Ièr Torneg de Gòlf gaudiren d’un aperitiu damb productes dera Marca Val d’Aran ath delà de nombrosi prèmis que Torisme Val d’Aran e Baqueira Beret premaniren entara escadença, en tot destacar ua dimenjada complèta ena Val d’Aran damb esquí.

Era dimenjada passada, 15 e 16 d’octobre, Torisme Val d’Aran e era estacion d’esquí aranesa, Baqueira Beret, organizèren eth Ièr Torneg de Gòlf en Exclusiv Gòlf de Seilh a Toulouse (França).

Eth Torneg, daurit, se disputèc ena modalitat de Stableford Individuau, e se joguèc en “Camp Rouge” entàs jogadors damb handicap inferior a 24,4 e en “Camp Jaune” entàs superiors a 24,4.

Es 200 participants arreceberen un regal de benvenguda, gaudiren d’un aperitiu damb productes dera Marca Val d’Aran ath delà de nombrosi prèmis que Torisme Val d’Aran e Baqueira Beret premaniren entara escadença, en tot destacar ua dimenjada complèta ena Val d’Aran damb esquí.

Aguest Torneg s’organizèc a trauès deth burèu que Baqueira Beret e era Val d’Aran an en Toulouse (nº39 dera Rue du Pharaon).

Er encastre geografic deth cap-lòc des Midi-Pyrénées, damb 1,5 milions d’abitants, supause un mercat d’especiau interès pera sua proximitat ara Val d’Aran.

En paraules dera conselhèra, Anna Díaz, “damb eth burèu de Toulouse trabalham amassa damb Baqueira entà promòir e dinamizar era Val d’Aran pendent tot er an e en toti es encastres toristics ath delà der iuèrn e dera pròpia activitat der esquí”.

Vielha, 17 d’octobre de 2016

Conselh Generau d’Aran: Núria Sanjuan