Es fraies araneses Lydia e María Iglesias Barés contunhen somant exits

Tant Lydia coma María der ANEC formen part dera estructura d’esquí de hons dera RFEDI.

• Enguan, Lydia se perderà era Marxa Beret entà disputar es Campionats deth Mon enes USA.

 

lydia e maria iglesias barés

 

Era dimenjada passada, Lydia Iglesias Barés, partipèc en Ramsau am Dachstein (Àustria) a on obtenguec ua meritòria 17au posicion (10Km C) e 16au (7,5 Km F).

Era joena aranesa de 19 ans se proclamèc campiona en sprint e tecnica classica d’U20 femenin enes Campionats d’Espanha d’esquí nordic disputat en Tuixent- La Vansa eth passat 14 e 15 de gèr. Enguan, Lydia se perderà era Marxa Beret entà disputar es Campionats deth Mon en USA (deth 30 de gèr ath 5 de hereuèr).

Era sua fraia, Maria Iglesias Barés, de 15 ans, participèc tanben era dimenjada passada, 21 e 22 de gèr, en Trofèu Internacionau Skiri XCountry en Castello di Fiemme (Itàlia) dempús qu’era RFEDI la seleccionèsse ena basa des resultats qu’obtenguec en Campionat d’Espanha d’Esquí de Hons que se celebrèc en Tuixent- La Vansa (campiona en sprint e tecnica classica d’U16 femenin).

Maria artenhec era 5au posicion en Dames U16 en Trofèu Internacionau Skiri.

 

 

 

Vielha, 27 de gèr de 2017

 

Conselh Generau d’Aran: Núria Sanjuan

Comments are closed.