Es hèstes deth huec des Pirenèus declarades Patrimòni Immateriau dera Umanitat pera UNESCO.

E_19770bEs hèstes deth huec des Pirenèus an estat declarades coma Patrimòni Immateriau dera Umanitat pera UNESCO, era sua assemblada annau celebrada aué en Namibia (Africa). Entre d’aguestes i a es hèstes deth huec dera Val d’Aran, eth Haro de Les e eth Taro d’Arties.

 

Era candidatura des hèstes deth huec des Pirenèus, a estat defenuda per tres estats europèus, Andòrra, Espanha e França. D’aguesta manèra Catalonha some un aute element ath Patrimòni Immateriau dera Umanitat dempus des Castets e era Patum de Berga.

Aué madeish comencen tota ua seguida d’actes commemoratius en motiu d’aguesta hita istorica.

 

DIMÈRCLES, 2 DE DESEME:

19:30 ores Banduada de campanes ena glèisa de Les.

19:45 ores Projeccion audiovisuau ena Plaça deth Haro deth trailer presentacion dera candidatura ara UNESCO e deth moment dera nominacion coma Auviatge Immateriau dera Umanitat.

20:00 ores Crema de Halhes e Dances populares des Corbilhuèrs de Les. Imne Nacionau “Montanhes Araneses”.

20:30 ores Vin caud e chicolotada

DETH 5 ATH 8 DE DESEME:

Exposicion grafica Hèstes deth Huec en “Hall” der Ajuntament de Les.

DELUNS 7 DE DESEME:

18:00 En salon d’actes der Ajuntament de Les projeccion audiovisuau deth trailer presentacion Candidatura ara UNESCO. Conferéncia explicatiua Candidatura Auviatge Immateriau dera UNESCO.

 

Ací podetz veir un video d’Aran TV sus es dues hèstes deth huec dera Val d’Aran.

http://arantv.xiptv.cat/aran-tv/capitol/dimercles-24-junh

Comments are closed.