Era passada dimenjada se disputèc ena estacion lheidatana de Boí-Taüll eth 6au Trofèu GER entàs categories d’U10/U12 e Interclubs.

Es petiti heren concurréncia sonque eth dissabte jos un solei fantastic e en ua pista de carrèra damb ua nhèu dura en excellentes condicions.

Disputèren un GS ena pista de Vaques ena quau es joeni esportistes se trobèren fòrça comòdes sus es esquís e treigueren eth melhor d’eri madeishi.

A nivèu de resultats, s’artenheren sies podiums enes quaus cau soslinhar es tres prumèrs lòcs de Manon Perefarres e des aranesi, Marc Ubeira, ena categoria U10 e eth de Manuela Álvarez ena U12. Ad aguesti podiums cau somar eth dusau lòc der aranés, Víctor Puente (U10), e es dus tresaus dera aranesa, Jara Beso e Bruno Chalbaud (U12).

Entath grop d’Interclubs tanben siguec ua bona dimenjada. Aguest grop disputèc un GS eth dissabte e ua SL eth dimenge en tot arténher un totau de tres podiums que dus sigueren entara aranesa Aina Masip; aguesta corredora aucupèc era dusau posicion tant en GS coma en SL ena categoria U14. Eth tresau podium entath CAEI ac artenhec era aranesa, Ana Chesa, damb eth tresau lòc en SL.

Vielha, 24 de hereuèr de 2016

Conselh Generau d’Aran: Núria Sanjuan

Hònt: CAEI