Es U16 deth CAEI comencen es competicions damb dus aurs

Pol Salvat

Pol Salvat

Carmela Olmo e Pol Salvat an artenhut aguesta dimenjada es prumèrs pòdis peth Club Aranés d’Espòrts d’Iuèrn (CAEI) d’aguesta sason.

Eth passat dissabte e dimenge se disputèc ena estacion andorrana de Pas de la Casa eth GP CANMC apertenhent ara Liga Catalana d’esquí aupin dera categoria d’U16 e organizada peth club CANMC.

En estadium Francesc Viladomat eth dissabte se disputèc eth GS en quau Carmela Olmo se hec damb era victòria e eth dimenge era SL eth quau anèc Pol Salvat e aucupèc era prumèra posicion.

Aguesta competicion ei era prumèra dera sason entara categoria U16 e servís coma tèst iniciau de cara ara següenta pròva, era prumèra fasa dera Copa Espanha, que se disputarà es pròplèus dies 9, 10 e 11 de gèr en Espot.

Comments are closed.