Vielha, 21 de seteme de 2018.- Era Verticau d’Aran Vielha-Montcorbison. Memoriau Tonet, organizada per Era Pòrta d’Aran, ei era darrèra grana pròva de Trail-Running dera sason ena Val d’Aran, damb arribada ena cresta deth Montcorbison en 2.170 mètres, dempús de 1.200 mètres de desnivèu positiu e 4,2 quilomètres de recorregut.
Eth pròplèu dissabte 6 d’octobre de 2018 a compdar des 09:00 ores comencen es tres corses d’aguesta ja tradicionau pròva de fin de sason ena Val d’Aran.
Era Verticau d’Aran ei dirigida a totes es persones amants der espòrt en aire liure, e prepause tres recorreguts diferenti. Marcha Populara, dirigida a mainatges e adults, damb un minim de condicion fisica, entà caminar per sendèrs de montanha e camp a trauès. Pujada Populara Verticau Aran, dirigida a persona abituada a ua activitat fisica d’apuprètz 3 ores, en tot caminar per pistes, camins de tèrra, sendèrs e camp a trauès. Carrèra Verticau Aran, enfocada a persones abituades a córrer pera montanha.
MARCHA POPULAR
2Km / 500m +. Gessuda 09:30 ores des dera Bassa d’Oles / Transpòrt des de Vielha a compdar des 09:00 ores.
PUJADA POPULARA VERTICAU ARAN
4,2km / 1.200m +. Gessuda tas 10:00 ores des dera Plaça dera Crotz d’Occitània-Rotonda de Vielha.
CARRERA VERTICAU ARAN
4,2km / 1.200m +. Gessuda tas 11:00 ores des dera Plaça dera Crotz d’Occitània-Rotonda de Vielha.
Es organizadors non exigissen un materiau minim indispensable entà participar-i, mès recomanen portar roba d’abric, aigua, bastons e un telefòn. Ath delà, tanben se recomane revisar era informacion meteorologica entà adaptar eth materiau segontes era climatologia ena data dera pròva. Cau arrebrembar qu’era edicion der an passat se disputèc en bèri moments dejós d’ua intensa ploja.
Es inscripcions entà participar en aguesta 8au edicion se poden formalizar ena web www.verticalaran.com. Eth prètz dera inscripcion ei de 15€.
Entà mès informacion podetz trucar ath + +34 696 649 871.
La Vertical d’Aran Vielha-Montcorbison Memorial Tonet compta amb el patrocini i la col·laboració del Conselh Generau d’Aran, Ajuntament de Vielha e Mijaran i Volentaris Val d’Aran.
