• Era capsula formativa ei gratuïta e aurà lòc en CEI Val d’Aran de Casau, eth 26 de seteme de 10:00 a 14:15 ores.

Eth CEI Val d’Aran a organizat amassa damb GlobaLleida e damb eth patrocini dera Deputacion de Lleida era capsula formativa “Era excelléncia en atencion ath client” a cargue d’Ana Campos Tomas, consultora e formadora en Coaching e Lideratge.

Era satisfaccion deth client a d’èster un objectiu irrenunciable ena prestacion de servicis, compréner as clients, meter-se en sòn lòc, sénter es sòns besonhs e es sues demandes. Cau èster conscienti de que non toti es usatgèrs son parièrs e, se les a de tractar de diferenta manèra e personalizada damb era fin d’aufrir ua atencion respectuosa, eficaça e eficienta.

Objectius dera capsula:

• Hèr préner consciéncia dera importància qu’a eth tracte damb eth client tath exit deth nòste negòci.
• Obtier es abiletats que an de permeter-mos ua adequada atencion ath client.
• Apregondir ena importància qu’a causar bona impression, tant ena imatge personau coma corporativa.
• Transméter ua imatge excepcionau dera nòsta organizacion “marca” que mos diferéncie des nòsti competidors.
• Analisar es experiéncies deth dia a dia, prepausar objectius de melhora e passar-les ara accion.

Era capsula formativa ei gratuïta e aurà lòc en CEI Val d’Aran de Casau, eth 26 de seteme de 10:00 a 14:15 ores. Entà formalizar era inscripcion cau ramplir eth formulari e reenvià’c a v.saurina@aran.org damb ua fotocòpia deth vòste DNI. Tanben podetz formalizar era vòsta inscripcion en telefòn: 973 64 18 01 e demanar per Victoria Saurina.

Formulari: Formulari Capsules Seteme 2016

Vielha, 16 de seteme de 2016

Conselh Generau d’Aran: Núria Sanjuan