• Era Jornada, que serà gratuïta e va dirigida a tot tipe de public, aurà lòc eth 30 de noveme de 17:00 ores a 21:00 ores en Era Audiovisuau.

Eth Centre de Lauegi d’Aran a organizat entath pròplèu dia 30 de noveme ua jornada informatiua e divulgatiua entàs usatgèrs dera montanha iuernau. Es objectius d’aguesta jornada son explicar coma trèir eth maximal profit des servicis qu’eth centre aufrís, presentar es darrères nauetats en mon dera nhèu e es lauegi e ath madeish temps contunhar en tot tèisher eth hilat d’observacion dera Val d’Aran.

Era jornada serà gratuïta e va dirigida a tot tipe de public: des d’aqueri que s’inícien ena montanha iuernau o der esquí dehòra-pista, que se les explicarà coma emplegar es esturments qu’an entà melhorar era sua seguretat, enquias professionaus dera nhèu (guides, pisters-socorristes, eca.) as que se les aufrirà un resum des ponéncies mès interessantes presentades en International Snow Science Workshop, a on es tecnics de nivologia deth Conselh Generau d’Aran assistiren eth passat mes d’octobre.

Ua des principaus fortaleses deth Centre de Lauegi d’Aran ei era implicacion deth mon der esquí e er aupinisme locau, en forma d’escambi de donades e formacion. Aguestes jornades an de servir entà contunhar en tot refortilhar e en tot hèr a créisher aguesti ligams.

Lòc: Era Audiovisuau de Vielha
Ora: De 17h00 a 21h00
Contenguts:
– Servicis deth Centre de Lauegi d’Aran
o Eth huelheton de Perilh de Lauegi e es Situacions de Lauegi
o Eth classament deth Terren de Lauegi
o Prediccion de Lauegi per carretères
o Eth hilat automatic d’observacions
– Nauetats der International Snow Science Workshop
– Eth hilat OBS+

Inscripcions:
– Per mail a lauegi@aran.org
– En aguest Doodle: http://doodle.com/poll/mu9qqias3bcn8xcv

Vielha, 17 de noveme de 2016

Conselh Generau d’Aran: Núria Sanjuan

Hònt: Centre de Lauegi d’Aran