Eth Conselh d’Aran commemòre eth Dia Internacionau contra era Violéncia de Genre damb diuèrsi actes

• Eth Palai de Gèu de Vielha impartís un cors d’autodefensa enquiath 9 de deseme a on eth nòste còs ei er esturment entara pròpia proteccion.

• Era lectura d’un manifèst contra era violéncia de genre, era projeccion d’un documentau e era informacion sus eth Protocòl d’intervencion dera Violéncia de Genre ena Val d’Aran, entre es actes commemoratius deth 25 de noveme, dia Internacionau contra era Violéncia de Genre.

ACTES COMMEMORATIUS DETH 25 DE NOVEME OK

 

Eth Conselh Generau d’Aran, per miei deth Servici d’Informacion e Atencion ara Hemna (SIAH), commemòre eth Dia Internacionau contra era violéncia de genre damb diuèrsi actes, qu’auràn lòc es pròplèu dies. Entà daurir es actes commemoratius, enquiath 9 de deseme, eth Palai de Gèu de Vielha aufrís un cors d’autodefensa a on er objectiu ei descurbir es recorsi naturaus de defensa personau, en tot conéisher esturments psicologics, era relacion entre emocions e intuicion, es esturments corporaus e es punts vulnerables entara pròpia proteccion.

Eth dimèrcles, 25 de noveme, entàs 12:00 ores, era plaça deth Conselh Generau d’Aran acuelherà era lectura deth manifèst en commemoracion deth Dia Internacionau contra era violéncia de genre a cargue dera conselhèra de Salut e Benéster d’Aran, Anna Díaz.

Eth madeish dia 25, entàs 20:00 ores ena sedença deth Conselh Generau, aurà lòc era projeccion deth documentau “La maleta de Marta”, a on se mòstre era luta d’ua hemna mautractada e de quaiqui òme qu’an estat agressors e seguissen un programa de reabilitacion. Ara seguida e entà barrar es actes commemoratius, en Conselh entàs 21:15 ores, i aurà informacion sus eth Protocòl d’intervencion dera Violéncia de Genre ena Val d’Aran.

Comments are closed.