• Damb aguest servici extraordinari, eth govèrn d’Aran demore velhar pera seguretat viau enes carretères deth nòste territòri pendent ua net ena que se celebraràn diuèrses hèstes en diferents pòbles dera Val d’Aran

Eth govèrn deth Conselh Generau d’Aran abilitarà entara net de Cap d’An (31 de deseme-1 de gèr) eth servici d’autobús nocturn entre es pòbles dera Val d’Aran, pr’amor dera mobilitat que se demore deuant aguesta data especiau.

“En tractar-se d’ua net ena que se celèbren diuèrses hèstes en diferents punts dera Val d’Aran, pensam qu’abilitar aguest servici ei important entà velhar pera seguretat viau enes nòstes carretères”, asseguraue eth conselhèr d’Economia, Torisme e Promocion Economica, Juan Antonio Serrano.

En concrèt, s’abilitaràn autobusi de baishada de Baqueira a Les entàs 00:50 e entàs 6:50 e de Vielha a Les entàs 2:30. De pujada, i aurà autobusi de Les a Vielha entàs 1:50 e 7:30 e de Les a Baqueira entàs 6:00.

Rebrembam que, pr’amor dera normativa vigenta, ei obligtòri er emplec dera masqueta.