Eth Conselh Generau d’Aran e era Obra Social “la Caixa” collaboren amassa entà mantíer era Lauaria Industriau ena zòna de Mijaran

Era Obra Social “la Caixa” collaborarà damb 30.000€ entà mantíer es lòcs de trabalh d’aguest centre de trabalh

obra social

Eth Conselh Generau d’Aran e era Obra Social “la Caixa” an arribat a un acòrd qu’era entitat financèra harà ua collaboracion de 30.000€ destinadi ara Lauaria Industriau plaçada en municipi de Vielha e Mijaran.

Aguesta quantitat economica s’atribuís dirèctaments a ajudar a que se pogue contunhar damb eth servici abituau qu’aguesta bugaderia realizaue enquiara. Atau, se garantís eth sòn manteniment, atau coma s’assegure eth contunhat des lòcs de trabalh existent. Ara madeish, eth foncionament dera lauaria se realize damb totau normalitat.

En paraules deth sindic d’Aran, Carlos Barrera, “eth govèrn deth Conselh Generau d’Aran a coma un des sòns principaus objectius principaus, ajudar ara conservacion des lòcs de trabalh des sòns ciutadans. En aguest cas, ère de besonh poder ajudar ath corrècte foncionament dera lauaria de Mijaran”.

obra social2

“Arregraïm prigondaments ara Fondacion la Caixa peth sòn esfòrç, donques que sabem que collaboren en progrès des persones, especiaument enes collectius mès vulnerables, e, en aguest cas, ac an tornat a hèr damb es trabalhadors dera lauaria”, a ahijut eth conselhèr d’Administracion Publica, Finançament e Coneishement, Luís Carlos Medina.

Pera sua part, Joaquim Macià, director Banc d’Institucions de “la Caixa” ena Direccion Territoriau Catalonha a soslinhat qu’“ei un plaser aportar eth nòste gra de sable e somar-mos as esfòrci conjunts entà pr’amor de combàter era dificultat d’accès en mon laborau de persones discapacitades en territòri dera Val d’Aran”.

Macià, a reïterat “era entitat manten fèrm eth sòn compromís ena Val d’Aran, en tot destinar dejà hè sies an per tot er Estat 500 milions d’èuros ara sua Obra Social. Damb aguesta aportacion, era Fondacion “la Caixa” s’assolide coma era prumèra fondacion privada d’Espanha e ua des mès importantes a nivèu mondiau”.

Comments are closed.