Eth Conselh Generau d’Aran met a disposicion des aranesi un servici de transpòrt public gratuït entà poder assistir ara votacion dera prepausa dera Naua Lei d’Aran

Eth dia 21 de gèr, ena session plenaria deth Parlament de Catalonha, se someterà a votacion era prepausa dera Naua Lei d’Aran

parlament_prepausa naua lei d Aran

Eth procés de redaccion dera prepausa dera naua Lei d’Aran se trape en punt finau. A dia d’aué son practicament barradi es acòrds generaus, açò hè a preveir qu’eth dia 21 de gèr, ena session plenaria deth Parlament de Catalonha, se someterà a votacion era prepausa dera Naua Lei d’Aran.

Dauant d’aguest hèt istoric e trascendent entath present e futur deth nòste país, eth Conselh Generau d’Aran met a disposicion des ciutadans d’Aran que desiren assistir ad aguesta session un servici de transpòrt public gratuït Vielha-Barcelona.

Es persones interessades s’an de méter en contacte damb eth Conselh Generau d’Aran, telefon 973641801, Sra. Luisa Estévez o ben en mail l.estevez@aran.org entà facilitar es sues donades personaus que permitisquen tramitar era sua acreditacion tà accedir ath Parlament de Catalonha abantes deth deluns, dia 19 de gèr.

Quan s’age constancia dera confirmacion e orari dera session plenaria se contactarà telefonicament/ corrèu electronic damb es persones interessades entà confirmar orari e acreditacion.

Comments are closed.