• Aguesta formacion, ena que se tractaràn ahèrs relacionadi damb era seguretat e condicions adequades enes trajèctes damb animaus, aurà lòc en mes de mai e ei de besonh inscriuer-se entà participar

Eth departament de Territòri, Paisatge e Gestion Ambientau deth Conselh Generau d’Aran, amassa damb eth Departament d’Agricultura, Ramaderia e Pesca dera Generalitat e era Escòla Agrària de Tremp, organize entath pròplèu mes de mai un cors sus benèster animau en transpòrt.

Aguest cors proporcionarà as participaires nocions basiques sus era seguretat e comoditat des animaus pendent eth sòn transpòrt, es condicions de temperatura, espaci, installacions o servicis basics enes trajèctes.

Totes es persones interessades pòden inscriuer-se en tot trucar ath 973 64 18 01, extension 6. Es places son limitades pr’amor der aforament, e es participants se seleccionaràn en per orde d’inscripcion.

Era formacion s’amiarà a tèrme pendent en mes de mai, damb data a concretar damb es participaires.