Vielha, 25 de juriòl de 2017.- Eth Conselh Generau d’Aran a trauès deth departament d’Agricultura, ramaderia e Miei Naturau en collaboracion damb era Societat de Caça e Pesca Val d’Aran amièc a tèrme entre es dies 21 e 24 de juriòl era repoblacion dera trueita enes arrius Barradòs, Joeu e Torán.

Es Agents de Miei ambient deth Conselh Generau d’Aran amièren a tèrme era liberacion d’apuprètz 10.000 trueites en cadun d’eri.

Aguestes repoblacions se realizen damb er objectiu de recuperar era poblacion de trueites dera Val d’Aran, qu’a amendrit sensiblement a causa des aiguats de 2013.

Mejançant aguestes accions, se repoblen alevins autoctòns criadi ena piscifactoria d’Era Bòrdeta, damb ues mesures comprenudes entre 6 e 8 centimètres.

Pendent es pròplèus dies, se realizaràn mès repoblacions en diuèrsi arrius dera Val d’Aran, damb er objectiu de repoblar ues 50.000 trueites mès apuprètz.