• A trauès deth departament de Territòri, Paisatge e Gestion ambientau s’a hèt arribar un comunicat as ramadèrs d’Aran en tot informar-les dera creacion d’un grop de voluntaris qu’aurà d’atier es sòns trabalhs en cas que sigue de besonh

Eth conselhèr de Territòri, Paisatge e Gestion Ambientau deth Conselh Generau d’Aran, Francés Bruna, a hèt arribar as ramadèrs dera Val d’Aran que se cree un grop de persones voluntàries, que seran coordinadi peth pròpri departament deth Conselh Generau d’Aran entà ajudar a aqueri que, per motius de salut pendent era crisi deth COVID-19, non poguen atier eth sòn bestiar.

Tota aquera persona que volgue formar part d’aguest grop, pòt enviar un e-mail damb es sues donades a sindicatura@aran.org o en tot trucar ath telefon d’atencion ciutadana 973643152.