Vielha, 19 d’octobre de 2017.- Es integrants deth GRM (Grop de Rescat de Montanha) des Pompièrs d’Aran participen enquiath 21 d’octobre ena ICAR Andorra 2017 Congrés anual de la Comissió Internacional de Socors Alpins, que se celèbre en Soldeu.

Se tracte d’un congrès en quau participen quate comissions; era aeriana (damb fabricants d’elicoptèrs), era terrèstre (damb grops especifics de rescat de montanha), era de lauegi (damb instituts especifics e ena que i a ua soscomission qu’ei era de guides de canhòts) e era metgesa (ena que participen especialistes de medecina).

Er objectiu dera 69au edicion dera ICAR, era Comission Internacionau de Rescat Aupin, ei trabalhar pera estandarizacion des tecnicians de rescat ena montanha. Parallèlaments ath congrès s’organize ua hèira damb 28 expositors de materiau de rescat de montanha de darrèra generacion.