Eth Plen deth Conselh Generau a formalizat era sua demana ara Ponéncia Redactora dera Naua Lei d’Aran de contunhar damb eth tramit parlamentari dera Lei

Er article 94.4 der Estatut d’Autonomia de Catalunya dispòse qu’eth Plen deth Conselh Generau d’Aran a de participar en totes aguestes iniciatiues legislatiues qu’afècten ath territòri d’Aran.

plen 200514

Eth Plen celebrat aué dimars, dia 20 de mai, a aprovat per unanimitat de toti es grops politics es dus unics punts dera Orde deth Dia. Eth prumèr punt dera Orde hège referéncia ara volontat deth Plen deth Conselh Generau de contunhar en tot participar laguens der rncastre dera Ponéncia ena definicion d’un nau modèl de finançament e d’ua possibla modificacion dera Lei electorau deth Conselh Generau d’Aran.

Eth dusau punt, a estat sollicitar ara Ponéncia Redactora a contunhar damb eth tramit parlamentari dera Naua Lei en tot compdar damb era participacion deth Conselh Generau en es encastres anterioraments mencionadi.

Carlos Barrera, sindic d’Aran, a hèt ua reconeishença ara volontat e predisposicion de toti es grops politics representadi en Conselh Generau d’Aran entà per’mor qu’era Naua Lei d’Aran contunhe eth sòn debat parlamentari damb era confidança de que pogue èster aprovada abans qu’acabe er an.”

Comments are closed.