- S’establís un periòde de limitacions especifiques ena liura circulacion de veïculs en tram que unís era poblacion d’Es Bòrdes e eth Plan dera Artiga que s’iniciarà era dusau quinzena deth mes de junhsèga de cada an e finalizarà era prumèra quinzena deth mes de seteme de cada an.
Dempús dera pròva pilòt der an passat entara milhora der accés motorizat ena Artiga de Lin (era pista que unís era poblacion d’Es Bòrdes e eth Plan dera Artiga) damb limitacion d’accès motorizat a un des paratges mès emblematics e concorrudi pendent er ostiu ena Val d’Aran a on se daue era opcion de pujar a pè o ben damb un trenet.
Eth projècte constribusic ena preservacion dera natura e era biodiversitat e entà méter en valor es recorsi naturaus dera Val d’Aran, en tot perméter a totes es persones eth gaudi deth patrimòni naturau e païsatgistic, facilitar as ciutadans era informacion mieiambientau, fomentar era educacion enes valors dera preservacion e dera melhora deth miei ambient coma patrimòni comun.
Damb aguesta pròva pilòt s’evitèc qu’uns 8.500 veïculs passèssen per aguest tram de pista.
Era avaloracion d’aguesta pròva pilòt a estat positiva e eth Plen deth Conselh Generau d’Aran a aprovat per unanimitat incorporar aguesta regulacion laguens dera ordenança d’accés ath miei naturau dera Val d’Aran.
S’establís un periòde de limitacions especifiques ena liura circulacion de veïculs en tram que unís era poblacion d’Es Bòrdes e eth Plan dera Artiga que s’iniciarà era dusau quinzena deth mes de junhsèga de cada an e finalizarà era prumèra quinzena deth mes de seteme de cada an.
Era rèsta der an, e per tot çò non previst en aguesta regulacion, er accès motorizat ad aguestes zònes s’adequarà as previsions dera Ordenança generau reguladora e dera rèsta der ordenament vigent.
Per un aute costat, eth Plen deth Conselh Generau d’Aran a acordat per unanimitat era declaracion des airaus e sectors prioritaris as efèctes de poder procedir a contractacions temporaus en supausats d’urgéncia.
Se declaren prioritàris es següents airaus o sectors, damb relacion as categories e foncions que se considèren de besonh entà garantir es foncions essenciaus atribuïdes ath Conselh Generau d’Aran:
– Servicis de supòrt e assisténcia as organismes de govèrn dera Coporacion
– Servicis de contractacion administrativa, logistica e informatica
– Servicis de recorsi umans e organizacion
– Servicis de supòrt e defensa jurídica
– Servicis d’archiu e registre de documentacion
– Servicis de tramitacion e gestion electronica de procediments administratius
– Servicis de mantieniment d’installacions, equipaments e vies publiques
– Servicis d’informacion e gestion toristica e culturau
– Servicis sòcio-sanitaris
– Er Archiu Generau d’Aran
Fin finau, eth Plen deth Conselh Generau d’Aran, a aprovat per unanimitat er informe d’allegacions, redactat pera Secretaria dera Corporacion, qu’er art. 46 TRLCSP obligue a acompanhar ar organ de contractacion amassa damb er expedient de contractacion, en relacion damb eth recors especiau en matèria de contractacion formalizat en Tribunal Català de Contractes del Sector Públic per part dera UTE ISOLUX INGENIERÍA SA – CORSAN CORVIAM CONSTRUCCIÓN SA en data 12 d’abriu de 2017 (registre d’entrada num. 0903E/153/2017 de 11/04/2017) en contra dera adjudicacion der expedient de contractacion dera ““Explotacion, conservacion e mantienement des sistèmes de sanejament dera Val d’Aran”” [CGA 2014/015/GSP-PD (PDAP)].
Aguest acòrd se notificarà ath Tribunal Català de Contractes del Sector Públic, cossent damb çò que dispause er art. 46.2 TRLCSP e d’acòrd damb er article 45 TRLCSP se suspén era tramitacion deth procediment de contractacion enquia que non se resòlgue aguest recors.
Vielha, 25 d’abriu de 2017
Conselh Generau d’Aran: Núria Sanjuan