Eth rider aranés Abel Moga Carracedo en çò mès naut deth pòdium en Fieberbrunn

 

Grana actuacion des riders deth Centre Tecnificacion en Freeride deth Conselh Generau d’Aran e membres deth club Emotion, es aranesi Abel Moga e Pòl Tellosa e eth barcelonés/finlandés Axel J. Tukianen ena pròba celebrada eth passat dissabte, 10 de març, ena estacion austriaca de Fieberbrunn.

Pòl Tellosa siguec eth prumèr en gésser, damb eth dorsau 31, e tot e èster malaut hec ua bona linha damb tres grani sauts (drops), que li dec era cincau posicion finau.

Linha Pòl:

https://m.youtube.com/watch?list=PLGq23SRDZWR4Calu9X6iFiM1ux1zQ6Cl4&params=EAIYATgBSAFYH2ILa3VWaS0xQ3lzcEloHQ%253D%253D&v=mLQmJ0A7btE&mode=NORMAL

Abel Moga gessec lèu ara seguida de Pòl, damb eth dorsau 33, e realizèc ua linha que deishec estonadi a toti! Un 360 sonque gésser e era “friolera” de 5 drops toti planchats e limpios!!!

Linha Abel:

https://m.youtube.com/watch?list=PLGq23SRDZWR4Calu9X6iFiM1ux1zQ6Cl4&params=OAFIAVgB&v=0zH4CUsLcNI&mode=NORMAL

En darrèr lòc gessec Axel J. Tukianen que dempús d’un inici molt bon, un saut planchat enòrme, perdie eth contròu des esquís e queiguec de forma espectaculara mès tot quedec en un espant pr’amor que de seguida botgec es braci (senhau de que se trapen ben) e toti quedèren mès tranquils.

Linha Axel:

https://m.youtube.com/watch?list=PLGq23SRDZWR4Calu9X6iFiM1ux1zQ6Cl4&params=EAIYATgBSAFYQWILc3lDZGY4ejdzNXdoPw%253D%253D&v=FrZF3jeSBbM&mode=NORMAL

En tot profitar que se celebraue era darrèra pròba, abantes dera finau en Verbier, deth Freeride World Tour, sigueren acompanhadi e assessoradi peth TOP rider aranés Aymar Navarro.

Damb aguesta grana actuacion Abel Moga se place ena 10au posicion dera classificacion generau mondiau, Pòl Tellosa en lòc 18 e Axel en 40.

Es pròplèus compromissi son era Freeride Junior World Championship que se celebrarà en Kappl (Àustria) ena que son classificadi Abel e Axel es pròpleus 21-22-23 de març. En aqueres dates Pòl aprofitarà tà participar, damb d’auti companhs d’Emotion, ena pròba de 2* de Piau Engaly.

 

 

 

Vielha, 15 de març de 2018

 

Conselh Generau d’Aran: Núria Sanjuan

Hònt: Club Emotion 

Comments are closed.