• Aguest servici foncione entre es dies 12 de junhsèga e 12 de seteme e enguan, un an mès, s’abilitarà un tresau tren toristic pendent eth mes d’agost pr’amor dera nauta demana e entà evitar aglomeracions

Eth Conselh Generau d’Aran a metut en foncionament eth tren toristic dera Artiga de Lin entre es dies 12 de junhsèga e 12 de seteme. Enguan, un an mès, aguest servici s’ampliarà pendent eth mes d’agost damb un tresau veïcul entà evitar aglomeracions en parçan e escuerçar es tempsi de demora des usatgèrs e usatgères.

Era regulacion der accès motorizat ara ribèra deth Joèu limite er accés as veïculs non autorizadi ara zòna, pr’amor d’açò eth servici deth tren toristic permet que visitants de totes es edats e condicions poguen gaudir d’aguest paratge d’ua forma mès sostenible e respectuosa damb eth miei ambient.

Eth tren toristic foncionarà en orari de 10:00 a 17:00 ores (eth darrèr trajècte de pujada s’amiarà a tèrme entàs 16:30). Es tickets se poiràn aquerir en Centre d’Interpretacion dera Artiga de Lin.

Eth prètz serà de 2 euròs entàs adults, 1 eurò entàs menors d’11 ans e 1 eurò entàs gossets. Es menors de 3 ans non an de besonh entrada.