5 esquiaires deth Club CEVA, Alfonso Cubillo, Hugo Soler-Duffo, Víctor Bultó Gil-Vernet, Nicolás Cubillo e Eugene Brotons en Top 10 des Campionats de Catalonha de Velocitat en La Molina

Vielha, 1 d’abriu de 2019.- Bona dimenjada a nivèu competitiu des corredors e corredores deth Club CEVA enes Campionats de Catalonha de Velocitat ena Molina.

Eugene Brotons siguec 4aua en SG U/16 e Alfonso Cubillo artenhec èster 6au en SG U/14, enes Campionats e Catalonha de Velocitat dera passada dimenjada.

Pera sua part, ath delà d’aguesti dus esquiaires, es competidors deth Club CEVA barrèren ua bona dimenjada damb eth 11au lòc de Víctor Bultó Gil-Vernet en SG1 U/14 Òmes, era 12au posicion d’Alexia Ferret Pérez en SG1 U/16 Dames, Hugo Soler-Duffo, qu’acabèc 7au en SG1 U/16 Masculin e era 13au posicion de Nicolás Cubillo Goytre e Jan Jorge Berge tanben en SG1 U/16.

En SG U/14 Femenin Andrea Rodríguez Elosegui siguec 13aua, e Víctor Bultó acabèc 10au en SG U/14 Òmes.

Nicolás Cubillo siguec 9au en SG U/16 Masculin, Hugo Soler siguec 10au e Jan Jorge 12au en aguesta categoria.

Fin finau, destacar era participacion des esquiaires deth Club CEVA en III Memoriau Carlos García “CHAPI”, que se celebrèc deth 29 ath 31 de març en Formigal. Concha Manen deth Club CEVA, acabèc 1a en GS e SL e 2au en SG, pera sua part Teresa Rigau, acabèc 1a en SG e 2au en GS e SL.