Formacion en educacion emocionau en Talhèr de Coaching dera Oficina de Joenessa

Vielha, 25 de mai de 2018.- Eth Talhèr de Coaching organizat pera Oficina de Joenessa deth Conselh Generau d’Aran adreçat a pairs, mairs e educadors, servic entà crear un espaci de reflexion sus era grana e importanta foncion qu’a er hèt d’educar

Eth talhèr que debanèc ena sala de plens der Ajuntament de Bossòst anèc a cargue dera psicològa e formadora María del Olmo, e desvelhèc er interès des assistents, donques anèc encaminat entà hèr-les pensar sus aspèctes qu’an a veir damb es valors, es limits, era educacion e era creativitat, aspèctes toti eri qu’intervien e influïssen ena educacion des hilhs.

Er objectiu d’aguesti talhèrs de Coaching sus coma melhorar er acompanhament des hilhs e hilhes, ei aufrir as pairs, mairs e educadors un espaci de formacion ena educacion emocionau, entà establir linhes de trabalh que permeten veir quina ei era situacion e ta on se vò e se pòt anar, en tot aportar es estruments que favorisquen eth desvolopament e ajuden a enfortir es ligams entre pairs e hilhs.

 

 

Comments are closed.