Arribe ua naua edicion, era 3au, deth Hestau Ohana, ua jornada pensada entà hèr dera literatura de petit format, era narracion orau e es arts sceniques un espaci de conviuença e participacion entà totes es edats.

Ath long dera jornada, mainatges, familhes e public en generau poderàn gaudir d’un programa variat d’activitats gratuïtes, damb condacondes, talhèrs creatius, espectacles en carrèr, animacion familiau e er autrejament des prèmis deth concors de fotografia.

Era programacion començarà tàs 11.00 ores damb eth condacondes “S’alcen i reguen”, a cargue de Marta Casals, ena placeta dera Torreta. Ara madeisha ora, ena carpa deth pati de Garòs, Ainelda Clapers Piqué impartirà eth Talhèr de Husta, destinat a mainatges e mainades a compdar de 4 ans.

Tàs 12.15 ores, era Companyia DuoXcaso presentarà “Solo de dos”, un espectacle de carrèr entath public familiau ena plaça dera Carrèra.

Era programacion dera tarde començarà tàs 16.15 ores damb “Contes menuts”, a cargue d’Irene Fondevila, destinat a mainatges de 0 a 4 ans. A continuacion, tàs 17.00 ores, arribarà “Hai i el peix daurat”, un espectacle de Giramagic entà mainatges e mainades a compdar de 3 ans.

Tàs 17.45 ores se liuraràn es  prèmis deth concors de fotografia, ena plaça Major. Mès tard, tàs 18.00 ores, Marta Casals tornarà damb “Balla’m un conte”, e era jornada se barrarà tàs 19.30 ores damb “JACUZZI”, dera Cia. niMú, un espectacle de carrèr entath public familiau.

Eth Hestau Ohana compde damb eth supòrt deth Conselh Generau d’Aran, d’autes  institucions e empreses dera Val d’Aran e damb era collaboracion de El Genet Blau, Llibreria Eterna e La Qlima, editoriaus convidades tad aguesta tresau edicion.

Vielha, 7 d’agost de 2026