Arrieta Rodríguez Elosegui 3au classificada dera Copa España Audi U16 gràcies ath sòn 4au lòc en SG disputat en Sierra Nevada e Jan Jorge subcampeon d’Espanha en SG U14
Trionf de Elisabet Marina deth Club CEVA en FJT de Piau – Engaly
Andrea Rodríguez Elosegui deth Club CEVA 1èra en SG U12 deth XXIII Trofèu Pitarroy en Cerler
Daniel Larriu 2au en SL e 3au ex aequo en GS des Campionats de Catalunya d’Esquí Aupin Absolut en Espot
Arrieta Rodríguez Elosegui 3au classificada dera Copa España Audi U16 gràcies ath sòn 4au lòc en SG disputat eth 27 de març en Sierra Nevada, un fantastic resultat dera sason 2017/18 entad aguesta corredora deth Club CEVA, ath que cau ahíger eth subcampeonat d’Espanha en SG U14 de Jan Jorge.
Trionf de Elisabet Marina deth Club CEVA en FJT de Piau – Engaly
Elisabet Marina integranta dera equipa de Freeride Jordi Tenas deth Club CEVA, a artenhut era victòria ar auçar-se damb era 1èra plaça deth pòdium en FTJ d’esquí femenin disputat ena estacion francesa de Piau-Engaly aguesta dimenjada e en tot ahíger atau un nau trionf entara equipa de Freeride deth club.
Pera sua part es alevins deth Club CEVA an agut ua notoria participacion ena pròva, ena que destaque era 1èra posicion artenhuda per Andrea Rodríguez Elosegui en SG U12 deth dimenge.
Era estacion d’esquí aupin de Aramón Cerler acuelhec aguesta dimenjada eth XXIII Trofèu Pitarroy (Memorial Carlos García “Chapi”). Era pròva organizada pera pròpria estacion e er Esquí Club Cerler Aneto, a estat era darrèra carrèra deth circuit d’esquí aupin Audi quattro Cup entàs categories U12/U10.
Era competicion comencèc eth dissabte damb era disputa deth GS U10 que Erica Ferret se classifiquèc en 12au posicion en Dames, ath temps que Luís Ibarbia se classifiquèc 13au en Òmes. En GS U12 Ignacio Ibarbia siguec 5au en Òmes e Andrea Rodríguez Elosegui artenhec era 15au posicion.
Ena Combinada U10 Erica Ferret se classifiquèc en 11au posicion e Daniela Del Río ena 17au, deth temps que Luís Ibarbia siguec 10º e Diego Arriola 19º. Ena Combinada U12 Arrieta Rodríguez Elosegui siguec 5au en Dames e Ignacio Ibarbia siguec 7au en Òmes.
Es melhors resultats entath Club CEVA arribèren damb era disputa deth Super Gigant qu’Andrea Rodríguez Elosegui artenhec entà pujar en çò mès naut deth pòdium en U12 Dames. Pera sua part en U12 Ignacio Ibarbia se classifiquèc ena 17au posicion. Ena categoria U10 Dames, Irene Ramón siguec 12au, seguida de Erica Ferret 14au e Daniela Del Río 18au, deth temps que en U10 Òmes, Luís Ibarbia siguec 19au e Diego Arriola 21au.
Brilhants 2au e 3au lòc de Daniel Larriu en es Campionats de Catalunya d’Esquí Aupin Absolut
Daniel Larriu deth Club CEVA, s’aucèc damb era 2au plaça ena SL deth dissabte e 3au ex aequo en GS disputat eth dimenge enes Campionats de Catalunya d’Esquí Aupin Absolut que s’an celebrat aguesta dimenjada en Espot, ua des competicions mès intenses dera sason que hè part deth calendari FIS ath delà de puntuar entara Copa España CIT. Era pròva a barrat era 35au Lliga Catalana.
