Vielha, 28 de junhsèga de 2016.- Eth grop de rescat en montanha des Pompièrs d’Aran comence ua campanha de prevencion e seguretat entàs activitats ena montanha. Per aguest motiu s’a editat un huelheton informatiu entà minimizar es risqui e damb nòrmes d’accion deuant un rescat en elicoptèr.

Era arribada der ostiu e eth bon temps hè qu’incremente eth nombre de persones que practiquen activitats esportiues en tot eth territòri e que se produsisque ua nauta demanda d’activitats ar aire liure e d’espòrts de risc.

Ei per aguest motiu qu’enguan, laguens es accions qu’amie a tèrme eth grop de rescat en montanha des Pompièrs d’Aran a editat aguest huelheton en aranés, catalan e castelhan que serà distribuït en burèus de torisme e tanben en aubèrges, refugis, e enterpreses d’espòrts d’aventura.

Eth huelheton damb es conselhs sus prevencion e seguretat ena montanha, ei previst edità’c tanben en francés e anglés.