Vielha, 1 de junh de 2017.- Aguesta setmana es Pompièrs d’Aran en collaboracion damb es Pompièrs dera agropacion Sud dera Haute Garonne, an realizat ua jornada d’escambi de coneishements en parc de Cierp-Gaud.

Era jornada s’includís laguens dera collaboracion istorica entre es Pompièrs dera Val d’Aran e es Pompièrs deth sud de França, que se manten damb aguesta activitat qu’es Pompièrs d’Aran i participèren damb eth veïcul que se desplace des dera Val d’Aran quan s’a d’amiar a tèrme quauqua accion conjunta d’emergéncies en territòri francés.

Era jornada finalizec damb era visita ath nau tunèl de St. Beat qu’ei previst qu’entre en foncionament a finaus de 2017. Cau arrebrembar qu’eth passat 30 de març ua delegacion des Pompiers dera agropacion Sud dera Haute Garonne, dirigida peth Tinent Coronèl Sylvaine Gergaud acompanhat des responsables des Parcs de Pompiers mès pròplèus ena Val d’Aran, realizèren ua visita as installacions deth tunèl de Vielha, gestionat peth Ministèri de Foment, entà conéisher de prumèra man eth sistèma operatiu d’emergéncies deth tunèl.