Jornades Tecniques de Habock (SAR) deth 11 ath 13 de deseme ena Val d’Aran

Vielha, 7 de deseme de 2017.- Era enterpresa d’elicoptèrs Habock Aviation Group en collaboracion damb eth Conselh Generau d’Aran, Pompièrs e Emergéncies d’Aran e eth SABS (Servici Aranés de Benèster e Salut), organize entre eth 11 e eth 13 de deseme ues jornades tecniques intèrnes sus Emergéncies Medicaus e Proteccion Civiu (SAR) ena Val d’Aran.

Era presentacion des jornades correrà a cargue deth sindic d’Aran, Carlos Barrera, acompanhat deth director responsable de Habock Aviation, Jordi Tortras, ena sala de premsa deth Conselh Generau d’Aran eth pròplèu deluns 11 de deseme as 18:00 ores.

Es jornades consistiràn en diuèrses ponéncies e taules de trabalh damb era participacion des agents que s’aucupen des prètzhèts d’emergéncies medicaus e proteccion civiu damb elicoptèr coma son es pilòts, gruistes, rescataires e sanitaris.

Es jornades serviràn a dar a conéisher es diuèrsi modèls base d’accion en Catalonha, Astúrias, Valladolid e Pamplona.

Es jornades tanben includiràn un simulacre d’accion en situacion d’emergéncia qu’anarà a cargue des Pompièrs d’Aran eth dimèrcles 13 de deseme entre es 11:00 e es 13:00 ores en Arres.

Habock Aviation Group, ei un holding integrat per enterpreses especializades en sector aeronautic que preste servicis en missions critiques d’emergéncia. Compden damb es equipes medicaus mès modèrnes que convertissen es sòns elicoptèrs en veritables UCI aerianes.

Comments are closed.