Julián Puras, dera Escòla Emotion, tresau ena competicion deth Freeeride Junior Tour dera Clusaz

Julián Puras forme part deth programa de Pre Tecnificacion de Freeride subvencionat peth Conselh Generau d’Aran.

 

Foto: soloski.net

 

Era passada dimenjada se celebrèc ena Clusaz era dusau competicion de 3 esteles deth Freeride Junior Tour.

Era Clusaz ei ua estacion molt semblanta as que trapam enes Pirenèus, damb era diferéncia qu’ei enes Alps e qu’a as melhors esquiadors dera istòria.

Seb Michaud, Collomb Patton o Candide Thovex non an de besonh presentacion, pr’amor que tà molti son bèri des melhors esquiares dera istòria.

En aguesta escadença se desplacèc tà Clusaz era equipa dera Escòla Emotion, damb es aranesi Abel Moga, Pòl Tellosa e Julián Puras, e eth sòn entrenador Cristian Boiria.

Es condicions eren fòrça dificils e de lèu es 100 riders que disputauen era pròva queigueren mens dera meitat.

Era victòria en -18 en esquí siguec tàs locaus e frairs Edgar Cheylus e Astrid Cheylus e en snowboard tà Remi Benamo e era locau Anna Martinez.

Pòl Tellosa demorèc ueitau damb ua ronda fòrça solida, non podec sautar per a on auie pensat e açò li restèc punts.

Abel Moga, que guanhèc enes Arcs era darrèra pròva deth campionat de 3 estels, queiguec en sòn dusau 360 e açò lo baishèc enquiara 12au posicion.

Eth -16 guanhèc eth soís Victor Hali-woods, Max Paim e eth càntabre Julián Puras.

Era pròplèu cita de 3 estels serà en Fieberbrunn en tot coïncidir damb eth FWT. En aguesta escadença serà tota era “artilleria” aranesa, pr’amor que compdaram damb Aymar Navarro e era equipa d’Emotion.

 

Videò: https://youtu.be/N-ylQmamRO0

 

Mès informacion: https://www.escuelaemotion.com/

 

 

 

 

 

 

 

Vielha, 12 de hereuèr de 2019

 

Conselh Generau d’Aran: Núria Sanjuan

Informacion e fotos: Escuela Emotion 

Comments are closed.