Vielha, 16 de hereuèr de 2018.- Eth Conselh Generau d’Aran a trauès des sues equipes especializades e ua equipa deth Servici Territoriau de Carretères de Lhèida dera Generalitat provoquèren ager naui lauegi controladi damb elicoptèr ena carretèra C-28 en Pòrt dera Bonaigua entà minimizar es risqui.

Es lauegi se provoquèren entà melhorar era seguretat e era mobilitat dempús des darrères nheuades e evitar que se donguen per liura damb eth perilh que supausarie entàs esquiaires e es conductors ena carretèra.

Era carretèra C-28 ja ei dubèrta ath trafic e des deth Conselh Generau d’Aran se recomane precaucion ara ora de practicar esquí de montanha e raquetes de nhèu.