Es dies 2 e 3 d’abriu es corredors deth Club Aranés Espòrts d’Iuèrn (CAEI) se desplacèren entà Gran Valira (Andòrra) tà participar enes Campionats de Catalunya, darrèra corsa dera sason.

Eth dissabte, 2 d’abriu, se celebrèc eth Gigant en Pas de la Casa. Eth dia se lheuèc embromat e nheuant, mès açò non siguec pas un impediment, en tot proclamar-se subcampiona de Catalonha en U-14 Ares Capdevila seguida en tresau lòc pera sua companha d’equipa Ana Chesa.

Eth dimenge, 3 d’abriu, acompanhèc eth solei entà celebrar er Slalom, Ana Chesa se proclamèc campiona de Catalonha en tot obtier era prumèra plaça, atau coma tanben era Combinada.

Pera sua part, Pablo Costa, siguec subcampion en Combinada.

Vielha, 6 d’abriu de 2016

Conselh Generau d’Aran: Núria Sanjuan

Hònt: CAEI