• Eth Banc de Sang e Teishuts e era Associacion de Donants de Sang dera Val d’Aran an metut hiu ara agulha entà per’mor qu’era Maraton de Donacion de Sang en Aran sigue ua jornada solidària, hestiua e ludica.

• S’amiarà a tèrme eth dissabte, 14 de noveme, en Palai d’Espòrts de Vielha d’11:00 a 22:00 ores .

Se tracte d’ua jornada en qué se combinaràn es extraccions de sang damb multiples activitats socioculturaus damb era volentat d’implicar-i ath maximal d’Entitats possibles dera Val d’Aran.

Ua des intencions d’aguesta Maraton ei facilitar ath maximal era donacion de sang. Damb aguest fin se mobilizarà un ample dispositiu logistic, tecnic e uman entara ocasion. Aguesta jornada solidària tanben a caractèr hestiu: i auràn diuèrses activitats ludiques e culturaus adreçades a tota era poblacion damb era intencion d’arténher eth major numerò possible de donadors.

Era maraton se celebrarà deman dissabte, 14 de noveme, en Palai d’Espòrts de Vielha. Er orari serà a compdar des 11h00 deth maitin enquiàs 22h00 dera net, de forma ininterrompuda.

Es requisits minims entà dar sang son:

Auer mès de 18 ans
Pesar mès de 50 quilòs
Gaudir de bona salut

Non s’a d’anar en dejú.
Es hemnes pòden hèr tres donacions ar an e es òmes quate.

Se ja ès donador, an d’auer passat dus mesi des dera darrèra donacion.