Damb era tresau posicion dera dimenjada passada ena estacion de Boí Taüll era quau ère era quatau e darrèra pròva, Oriol Filella se proclamèc campion deth circuit e Guilhem Berini ac acompanhèc en tresau calaish deth pòdium dera generau. Aguesta competicion siguec organizada per Eldorado Freeride Junior e hè part deth Freeride World Tour Junior en Espanha.

Era organizacion anticipèc era disputa dera finau ath dissabte, 11 de març, pera prevision de cambis meteorologics entath dimenge.

Eth dissabte claregèc damb un solei radiant, que facilitèc realizar es rondes pendent tot eth dia en perfèctes condicions de visibilitat.

Eth sector de ròques albergaue ues condicions de nhèu dura e “encostrada” a prumèra ora e de nhèu transformada ath meddia, que prometien èster fòrça exigents entàs riders pendent era competicion.

Es 3 riders júnior dera seccion de snowboard realizèren bones linhes ena sua quatau participacion en ua pròva d’Eldorado Freeride Junior.

Oriol Filella acadièc ua linha damb fluïdesa, contròl e velocitat, en tot includir 3 “drops” en diferentes ròques deth sector, que hereguèc damb eth eth prumèr lòc deth calaish deth pòdium de non èster perquè que metec ua man en ua des recepcions que li restèc diuèrsi punts.

Ranking finau Eldorado Freeride Junior Espanha 2016/17

Categoria Snowboard Masculin:

1èr Oriol Filella.
3au Guilhem Berini.

Vielha, 15 de març de 2017

Conselh Generau d’Aran: Núria Sanjuan

Hònt e foto: CAEI