Pòdiums tàs aranesi deth CAEI: Aina Masip, Irene Aris, Ares Capdevila, Ana Chesa, Marta Céster, Marta Moreno e Pablo Moreno

• Grani resultats des diferentes equipes deth Club Aranés Espòrts d’Iuèrn (CAEI) pendent era dimenjada.

Aguesta a estat ua dimenjada fòrça intensa entàs nòsti esportistes. Ara seguida vos detalham es resultats des competicions enes quaus an participat es diferentes equipes deth CAEI.

En U14 e U16 d’esquí aupin se desplacèren eth dijaus passat ara estacion aragonesa de Cerler entà disputar era fasa finau dera Copa Espanha. Eth diuendres se disputèc eth SG e era combinada. Eth dissabte, 25 de març, encara qu’era climatologia non acompanhèc se disputèc eth SL e eth dimenge, 26 de març, non podec èster. A conseqüéncia des nheuades era organizacion decidic disputar eth GS U14 a ua manja e ajornar eth GS U16 ath deluns, 27 de març.

Era equipa deth CAEI aportèc 16 corredors ad aguesta competicion e obtenguec uns boni resultats:

Combinat diuendres, 24 de març:

– 1a Classificada U16: Jana Suau
– 2au Classificada U16: Ana Vidaor

SL dissabte, 25 de març:

– 1a Classificada U16: Jana Suau
– 3au Classificada U14: Lia Tomas

Tampòc aueren sòrt damb era metrologia es integrants dera equipa de masters en sòn desplaçament ara tanben estacion aragonesa de Formigal entà disputar eth Campionat d’Espanha de masters.

Ena prumèra jornada ena quau se disputaue eth SG acabèc damb tres aurs entath CAEI. Montse Puigrefagut, Luís Izquierdo e Cristobal Calzado pugèren ath prumèr calaish deth pòdium enes sues respectives categories.

Eth dissabte ère eth dia deth SL e maugrat es condicions e era exigéncia dera nhèu, Montse Puigrefagut repetic prumèra posicion.

E es intenses nheuades deth madeish dissabte pera net empediren qu’era pista siguesse pro preparada e segura entath GS deth dimenge e era organizacion decidic suspené’c.

Era equipa d’Interclubs participèc ena estacion de La Masella en Trofèu Vila de Llívia e enh quau artenheren fòrça boni resultats.

SL dissabte, 25 de març:

– 1a Classificada U14: Aina Masip
– 2au Classificada U14: Irene Aris
– 3au Classificada U16: Ares Capdevila

GS Dimenge, 26 de març

– 1a Classificada U14: Aina Masip
– 3au Classificada U16: Ana Chesa

E non podem deishar de parlar deth Campionat d’Espanha ena tecnica liura e relèus d’esquí de hons celebrat en circuit de Beret. Era equipa deth CAEI siguec compausada pes aranesi Marta Moreno, Marta Céster e Pablo Moreno; toti eri pugèren ath pòdium.