Eth passat dissabte, 6 de mai, es nedadors deth CAVA- PALAI SWIM TEAM inaugurèren era sason d’aigües dubèrtes damb era participacion ena VIau Copa Marnaton eDreams by VW Califòrnia en Barcelona, un rèpte enfocat a popularizar era natacion en aigües dubèrtes damb era nauetat d’includir ua pròva de 4km ath delà dera de 2km.
Era MARNATON Barcelona se celebrèc ena plaja de Sant Sebastian e compdèc damb: pròva de 4km, 2km, pròva de relèus e era MARNATON Kids. Era pròva de relèus siguec per equipes de 4 nedadors, a on cada equipa auie de completar 8 torns de 500 mètres, en tot hèr un totau de 4.000 mètres entre toti.
37 nedadors deth CAVA- PALAI SWIM TEAM, d’entre 6 a 18 ans, sigueren finishers des sues respectives trauèsses en mar dubèrt. D’aguesti, enquia sèt nedadors aranesi pugèren ath pòdium:
Trauèssa de 400m, neishudi es ans 2006-07, categoria femenina: 2au Jara Beso Godoy e 3au Helena Revelles Díaz; ena categoria masculina, 2au Lluc de Castellarnau Rabella.
Trauèssa de 200m, neishudi es ans 2006-07: 3au Marc Ubeira Cierco.
Trauèssa de 100m, neishudi es ans 2008-09: 1a Ari Boya Jaquet.
Trauèssa de 50m, neishudi es ans 2010-11: categoria femenina: 1a Aina Ariño Pàmies; ena categoria masculina: 1èr Eric Barbeitos Rodríguez.
Era pròplèu competicion en aigües dubèrtes que participaràn es nedadors deth CAVA- PALAI SWIM TEAM serà er 11 de junh ena Copa MARNATON de Begur.
Vielha, 8 de mai de 2017
Conselh Generau d’Aran: Núria Sanjuan
Hònt e fotos: CAVA- PALAI SWIM TEAM