Eth passat 9 e 10 de hereuèr era estacion d’esquí de Formigal acuelhec era 1a fasa dera Copa Espanha de SBX, era Copa d’Espanha se dispute en dues categories: Infantil e Absolut, masculin e femenin.

Aguesta pròva siguec eth punt d’amassada entà fòrça riders qu’apostèren pera diversion qu’apòrte ua pròva d’aguestes caracteristiques.

Mès de 100 esportistes se gaudiren de dus dies de competicion a on cau remercar eth gran esperit competitiu que se respiraue.

Es jornades se desvolopèren en dues parts.

Ena jornada deth dissabte se realizèren es entrenaments e es classificatòries, dues baishades cronometrades a determinar eth melhor crono entre ambdues, designèren es quadres d’eliminatòris entara K.O.S deth dimenge.

Ena jornada deth dimenge, es riders s’afrontèren as sòns rivaus enes eliminatòries, baishades de 4 “rieres” a on es 2 prumèrs se classificauen entara següenta ronda e es dus darrèri demorauen eliminadi.

Fin finau, es melhors disputèren es finaus e small-finaus a quate que determinèren es campions de cada categoria.

Era seccion de snowboard s’adjudiquèc 2 pòdiums ena Copa d’Espanha ena categoria absoluta femenina de SBX.

Ena finau Sara Donés finalizèc ena 2au posicion e Anne Ripa ena 3au posicion.

Anna León guanhèc ena Small-Finau.

Ena seccion de snowboard s’adjudiquèc 2 pòdiums ena Copa d’Espanha categoria infantila femenina de SBX.

Ena finau, Danae Sanllehy finalizèc ena 2au posicion.

Ena Small-Finau Sofia Cáceres finalizèc ena 2au posicion e Alba Farré ena 4au posicion.

Sara Donés, Anne Ripa e Danae Sanllehy formen part deth programa de Pre Tecnificacion de Snowboard subvencionat peth Conselh Generau d’Aran.

Mès informacion: http://www.caei.es/

Vielha, 13 de hereuèr de 2019

Conselh Generau d’Aran: Núria Sanjuan

Informacion e Fotos: CAEI