Pòdiums tath CAEI ena 2au Fasa de Copa Espanha de SBX en Baqueira Beret

    Sara Donés, deth CAEI, (3aua) acompanhada per Lucas Eguibar e Regino Hernández dera equipa de SBX dera RFEDI.

 

Eth passat 23 e 24 de hereuèr ena estacion d’esquí de Baqueira- Beret se disputèc era 2au Fasa de Copa Espanha de SBX, era Copa d’Espanha se dispute es dues categories, Infantila e Absolut, masculin e femenin.

Era 2au convocatòria dera Copa d’Espanha de SBX siguec eth punt de reünion tà 130 riders a on cau remercar eth gran esperit competitiu que se respiraue e era grana quantitat d’inscriti en eveniment.

Es jornades se desvolopèren en dues parts

Era jornada deth dissabte se realizèren es entrenaments e es classificatòries, dues baishades cronometrades a determinar eth melhor crono entre ambdues, designèren es quadres d’eliminatòries entara K.O.S deth dimenge.

Era jornada deth dimenge, es riders s’afrontèren as sòns rivaus enes eliminatòries, baishades de 4 riders a on es 2 prumèrs se classificauen entara següenta ronda e es dus darrèri demorauen eliminadi.

Fin finau, es melhors disputèren es finaus e small-finaus a quate que determinèren es campions de cada categoria.

Era seccion de snowboard deth CAEI s’adjudiquèc un pòdium ena Copa d’Espanha ena categoria absoluta femenin de SBX.

Ena finau, Sara Donés, finalizèc ena 3au posicion.

Anne Ripa guanhèc ena small-finau absoluta femenina.

Ena small-finau infantila femenina Sofia Càceres finalizèc ena 2au posicion.

Sara Donés e Anne Ripa formen part deth programa de Pre Tecnificacion de Snowboard subvencionat peth Conselh Generau d’Aran.

Pera sua banda, es mès petiti dera seccion de Snowboard se desplacèren tara estacion de Port Ainé entà participar en “Pyrenean Freestyle tour” Betula Slopestyle e en quau, atau coma es grani en Baqueira- Beret, tanben artenheren bèth pòdium.

U13

2n Martxelo Urruzola
3r Edu Geli

 

Mès informacion: http://www.caei.es/

 

 

 

 

Vielha, 25 de hereuèr de 2019

 

Conselh Generau d’Aran: Núria Sanjuan

Informacion e fotos: CAEI

Comments are closed.