Projecte Boscos de Muntanya realize diuèrses accions ena Val d’Aran

projecte bosqui_2014

Un an mès, es integrants deth Projecte Boscos de Muntanya an realizat, pendent eth mes d’abriu, diuèrses actuacions ena montanha d’Utilitat Publica num. 278 nomentada “Aubàs Portilhon”, anteriorament tanben realizèren trebalhs silvicòles ena montanha d’Utilitat Publica num 279 nomentada “Ombrer Popelat”, pertanhenti ambdús a Bossòst.

Aguesta entitat nomentada Projecte Boscos de Muntanya (Bergwald Projekt), ei ua entitat sense anims de lucre que trebalhe entà preservar e millorar es bòsqui e paissatges tradicionaus de montanha en tot eth Pirenèu, mejançant estades de voluntaris adults. En paraules de Jose E. Arró, conselhèr d’Agricultura, Ramaderia e Medi Naturau “er objectiu d’aguest collectiu ei eth manteniment, eth suenhar e protegir es nòsti bòsqui mejançant era silvicultura e gestion forestau e dant fòrça importancia ara difusion e educacion entara milhora deth bòsc e era sua consevacion, e era millor manèra ei apropar ara gent ad aguest abitat en tot organizar aguestes estades.”

Entre es agents implicats enes activitats que realizen aguesti volontaris i a eth Conselh Generau d’Aran tamb era coordinacion tecnica des trebalhs (tecnic forestau e Agents de Miei Ambient) e eth lotjament pendent es tres setmanes d’estades ena Aubèrja Matacabòs de Les, a mès a mès der Ajuntament de Bossòst.

Enguan es actuacions des volentaris de PBM an contunhat tamb es trebalhs iniciats ans anteriors e es acordats pes parts implicades, es trebalhs an estat es següenti:

• Contunhacion dera adeqüacion deth camin dera Tretura, eth quau ei senhalizat peth Conselh Generau d’Aran e ei ara madeish intransitable. S’an realizat trebalhs entà trèir er aigua deth camin tamb quate o cinc passi d’aigua dejà existents mès inutilizades pera acumulacion de materiau, se recuperarà eth paviment antic, se re-haràn es parets de pèira seca qu’encara queden e son maumetuts peth pas deth temps e s’harà un accès tamb esglaons.

• Trebalh silvicòla entà disminuir competéncia en hai (Fagus sylvatica) e casse (Quercus sp.) enes inmediacions dera pista de Samorèra entà milhorar eth rodau dera actuacion.

• Contunhacion dera collocacion de capuchetes de lan en es auets d’ua dimension apropiada entà esvitar èster minjats pes cervids en parçan afectat pera ciclogenesis explosiva der an 2010, tal e coma s’indiquèc en projècte de restauracion. Dera actuacion der an passat se comprovèc er efècte positiu d’aguesta actuacion.

http://www.projecteboscos.cat/

Comments are closed.