- Proteccion Civiu dera Generalitat a activat era Alèrta deth Plan PROCICAT deuant era prevision der inici d’un episòdi de fòrt vent a compdar d’aguesta net.
- A compdar dera tarde s’intensificarà en Pirenèu enes còtes nautes.
- Proteccion Civiu recomane extremar era precaucion enes activitats ar aire liure e era mobilitat ena zòna urbana.
- Retiratz de balcons e façades quinsevolh element que se pogue despréner e provocar un accident.
Proteccion Civiu dera Generalitat de Catalunya (Departament d’Interior) a activat era Alèrta deth Plan de Proteccion Civiu de Catalunya PROCICAT per risc de ventades en basa ara informacion deth Servici Meteorologic de Catalunya (SMC) que preve un episòdi de temporau damb fòrt vent a compdar dera pròplèu net e pendent eth dia de deman.
Alèrta per fòrt vent
A compdar dera tarde eth fenomèn de fòrt vent s’intensificarà mès se concentrarà enes Tèrres der Ebre, en tot Ponent, Pirenèu e Empordan.
Cau extremar es precaucions e assegurar o retirar es objèctes que se tròben en terrasses e balcons des cases qu’eth vent pòt hèr a quèir en carrèr. Atau madeish, en cas qu’aquiu a on vos trobatz eth vent bohe damb fòrça intensitat, cau evitar refugiar-vos ath costat de murs que poguen resultar inestables, pannèus e mobiliari urban, atau coma d’arbes des que se poguen despréner branques o fragments deth tronc. Pera realizacion des activitats ar aire liure, sustot damb caractèr esportiu e en zònes boscoses o parcs e jardins, cau garantir abans que se hèn damb seguretat e non i a risc de casuda o despreniment d’objèctes. Hètz cas des recomanacions deth Servici Catalan de Transit ena conduccion, mès que mès en eth cas de veïculs pesants e enes carretères en còtes nautes.
Prealerta NEUCAT per nheuades en Pirenèu
Proteccion Civiu dera Generalitat DGPC a metut en Prealerta eth Plan Especiau d’Emergéncies per nheuades en Catalunya NEUCAT pera prevision deth Servici Meteorologic de Catalonha (SMC) que se poguen produsir nheuades deman dissabte des deth maitin en Pirenèu Occidentau, en tot afectar sustot: Val d’Aran, Nauta Ribagòrça e Palhars Sobeiran. A compdar deth meddia de deman, es precipitacions apoiridien afectar d’aute punt deth Pirenèu damb mens intensitat. A darrèra ora dera tarde era còta de nhèu baisharà e apoiridie afectar er extrèm mès orientau deth Pirenèu e es còtes mès elevades der Empordan.
Enes còtes mès nautes deth Pirenèu, a on es nheuades coïncidisquen damb eth fòrt vent, se pòt produsir eth fenomèn deth torb en tot redusir fòrça era visibilitat.
Proteccion Civiu dera Generalitat recomane ara poblacion auer presents es conselhs d’autoproteccion enes activitats en exterior e en casa deuant es nheuades, http://interior.gencat.cat/nevades sustot tanben enes desplaçaments. Se recomane prudéncia ena conduccion aquiu a on nhèue damb intensitat, portar tostemp eth veïcul preparat pes desplaçaments en montanha (cadees, mobil damb bateria, bèra manta o ròba d’abric de resèrva, aigua e bèth aliment calòric) e seguir tostemp es conselhs deth Servici Catalan de Transit e consultar es incidéncies viàries en sòn web: http://www.gencat.cat/transit/marcit_n.htm o en Twitter @transit.
A mès, damb era baishada de temperatures, arrebrembatz assegurar-vos deth bon foncionament d’aqueri aparelhs e sistèmes de cauhatge ara fin d’evitar accidents. Trobaratz es conselhs Proteccion Civiu entà evitar intoxicacions e asfíxies per monòxid ena web: interior.gencat.cat/seguretatllar
Seguitz es avisi e es incidéncies mès significatives dera nheuada en Twitter de Proteccion Civiu dera Generalitat @emergenciescat.